Парафіяльныя аб'явы

12 кастрычніка – ХХVІІІ ЗВЫЧАЙНАЯ НЯДЗЕЛЯ

Перажываем месяц кастрычнік – месяц Ружанцовай малітвы. Калі не атрымоўваецца быць у святыні, маліцеся дома ў кругу сям’і.

На гэтым тыднi ўспамінаем:

13 кастрычніка – Пн. – пасля св. Імшы на 18.30 – Фацімская працэсія.

15 кастрычніка – Ср. – Успамін св. Тэрэзы ад Езуса, панны і доктара Касцёла.

17 кастрычніка – Пт. – Успамін св. Ігнацыя з Антыёхіі, біскупа і мучаніка.

18 кастрычніка – Сб. – СВЯТА СВ. ЛУКІ, ЕВАНГЕЛІСТА.

• Трывае збор ахвяраванняў на замену ўваходных дзвярэй. Падпісана дамова з фірмай, канец кастрычніка, пачатак лістапада замова будзе выканана. Дзякуй за Вашую ахвярнасць і клопат аб сваёй святыні.
• Запрашаем моладзь ад 14 год і дарослых на падрыхтоўку да БЕЖМАВАННЯ, кожную пятніцу а 19.10.
• 1 год падрыхтоўкі да бежмавання для вучняў 7-8 класаў, кожную суботу а 16.00.
• Запрашаем школьную моладзь, якая прайшла бежмаванне на сустрэчы, кожную суботу а 17.00.
• Наступны месяц лістапад, месяц асаблівай малітвы за нашых блізкіх памерлых. Можна прыносіць карткі з імёнамі на Выпамінкі, пакінуць можна ў Закрыстыі альбо ў сп. Наталлі, пры ўваходзе ў касцёл. За нашых блізкіх памерлых будзе адслужана 10 святых Імшаў падчас актавы Ўсіх Святых.
• Нагадваем пра неабходнасць навесці парадак на могілках сваіх родных і блізкіх. Забараняецца пакідаць ежу і тым больш алкаголь, лепшая падтрымка гэта нашая малітва.
• Працягваем малітву за парафію св. Сымона і св. Алены, Чырвоны касцёл.
• Молімся ў інтэнцыі нашай парафіі: “Каб парэшткі нашых продкаў пахаваных на Залатагорскіх могілак не былі знішчаныя”.

Дзякуй за працу, малітвы і ахвяраванні, якімі прычыняецеся да ўтрымання і аднаўлення нашай святыні, няхай Добры і Міласэрны Бог шчодра ўзнагародзіць.