Парафіяльныя аб'явы

30 лістапада – І Нядзеля Адвэнта

Распачынаем новы літургічны перыяд – Адвэнт, час радаснага чакання і духоўнай падрыхтоўкі да святаў Божага Нараджэння.

На гэтым тыднi ўспамінаем:

2 снежня – Ат. – пасля св. Імшы на 18.30 адарацыя Найсвяцейшага Сакрамэнту, праводзіць супольнасць Альфа-курса.

3 снежня – Ср. – Успамін св. Францішка Ксавэрыя, прэзбітэра

4 снежня – Чц. – І Чацверг месяца, дзень малітвы аб новых пакліканнях.

18.30 – св. Імша ў інтэнцыі: “За удзельнікаў апостальскага руху “Жывы Місійны ружанец” і аб новых пакліканнях”. Пасля св. Імшы – Ружанец аб новых пакліканнях да святарства і манаства.

5 снежня – Пт. – І Пятніца месяца.

6 снежня – Сб. – Успамін св. Мікалая, біскупа. І Субота месяца. У 18.30 св. Імша ў інтэнцыі: “Аб трыумфе беззаганнага сэрца Марыі”. Пасля св. Імшы - Фацімскі ружанец.

Падчас Адвэнту запрашаем на

Раратнія Святыя Імшы:

серада, субота – 7.00 (касцёл будзе адкрыты з 6.30)

чацверг (з удзелам дзяцей) – 18.30

Адвэнтавыя рэкалекцыі адбудуцца з 19 па 21 снежня. Правядзе іх кс. Юрый Быкаў, пробашч з Радашковіч.

• Да нас прыбыла фігура св. Яна Хрысціцеля з Будслаўскага санктуарыя, з так званага “чорнага алтара” са старога касцёла. Кс. Аляксей распачаў рэстаўрацыю гэтага алтара. Паасобныя парафіі будуць дапамагаць рэстаўраваць фігуры. На працягу Адвэнта мы будзем збіраць грошы на рэстаўрацыю дадзенай фігуры. Няхай гэта будзе адной з нашых пастаноў.
• Кс. Станіслаў Станеўскі, які ў мінулую нядзелю быў у нашай парафіі, пераказвае шчурую падзяку за Вашую ахвярнасць. Была сабрана сума, дзякуючы якой амаль 4 месяцы ён будзе мець на аплату арэнды.
• Працягваем малітву за парафію св. Сымона і св. Алены, Чырвоны касцёл.
• Молімся ў інтэнцыі нашай парафіі: “Каб парэшткі нашых продкаў пахаваных на Залатагорскіх могілак не былі знішчаныя”.

Дзякуй за працу, малітвы і ахвяраванні, якімі прычыняецеся да ўтрымання і аднаўлення нашай святыні, няхай Добры і Міласэрны Бог шчодра ўзнагародзіць.